EN TEMPOS DE ULTRALIBERALISMO HUMANO E INMORAL, NECESITAMOS VOLVER OS
OLLOS Á XUSTIZA DE DEUS, QUE NOS FALA DA IRMANDADE LIBERADORA
Neste agosto no que os medios de
comunicación, a falta das trafulcas entre políticos, ocupan o seu espazo con
sensacionalismos inútiles, chega o Señor e fálanos de compaixón e acollida. Que
paradoxo, non si?
Cando todo se reduce a falar de custos
e macroeconomía, namentres as persoas seguen a ter dificultades para poder
comer todos os días; cando parece saír do corazón dalgunhas persoas o peor que
puideramos imaxinar, chega Xesús e pon diante nosa unha actitude que non está
nas “modas do que máis se practica”, pero que é unha actitude que nos fai
recuperar as raíces do que somos. Porque só as persoas somos capaces de sentir
compaixón polo outro, pois nese outro recoñecemos a Deus. O berro da muller
cananea do evanxeo de hoxe é o berro de cada vez máis persoas que ven como a
súa dignidade é excluída, esquecida e asoballada no nome de grandes
declaracións que agochan puros intereses políticos, económicos ou estratéxicos.
Non caiamos nós no mesmo e, desde o
pequeno do que nos rodea, aprendamos a practicar a compaixón que nos recoñece
coma irmáns.
(Remol. Escoita Activa. Domingo XX do TEmpo Ordinario)
Ningún comentario:
Publicar un comentario