SÓ QUEN TEN UN CORAZÓN
QUE SABE ESCOITAR ENTENDE QUE SOMOS DIGNIDADE
Utiliza a primeira lectura de hoxe
unha expresión que nos dá a clave para entender por que as persoas somos moito
máis importantes que calquera outro ser vivo. Cando a Salomón se lle di que
pida o que queira, contra do que puidera parecer, el non pide posesións, poder,
prestixio ou medios materiais, senón algo que hoxe, acostumados como estamos a
medir ás persoas non polo que son senón polo que teñen, nos chama a atención: un
corazón escoitador. É dicir, sensible, cercano, preocupado polos demais e capaz
de ser cos outros, non máis cós outros nin mellor cós outros. Toda unha lección
para cantos seguen a pensar que a felicidade e a realización persoal está en
todo o que diga relación co verbo posuír.
Que
participemos nesta celebración coa mellor disposición a facer da nosa vida un
compromiso por saber acoller, escoitar e acompañar a tantas persoas que imos
descubrindo necesitadas de palabras de apoio, axuda e esperanza.
(Remol. Escoita Activa. Domingo XVII do Tempo Ordinario)
Ningún comentario:
Publicar un comentario