NON ao traballo infantil - SI a unha educación de calidade!
Un gran número de nenos fan traballos domésticos, remunerados ou non, nos fogares de terceiras persoas. As súas vidas transcorren ocultas á mirada da sociedade e o habitual é que se encontren illados e afastados das súas familias. Por iso, estes menores son particularmente vulnerables á explotación e as historias de abuso son moi frecuentes.
En 2002, a Organización Internacional do Traballo (OIT) declarou o 12 de xuño como Día Internacional contra o Traballo Infantil co propósito de dar a coñecer o alcance do problema e promover iniciativas para resolvelo, coa participación dos gobernos, as empresas, os sindicatos, a sociedade civil, e todos e cada un de nós.
Este ano, no Día mundial contra o traballo infantil faise un chamamento a favor de:
- unha educación de calidade, gratuíta e obrigatoria para todos os nenos ata polo menos a idade mínima de admisión ao emprego e emprender accións para chegar a aqueles nenos actualmente en situación de traballo infantil;
- novos esforzos para asegurar que as políticas nacionais sobre traballo infantil e educación sexan coherentes e eficaces;
- políticas que garantan o acceso a unha educación de calidade e investimentos en persoal docente.
Ningún comentario:
Publicar un comentario