A TENTACIÓN E O DESERTO, CAMIÑO PARA A LIBERDADE
Non teñas medo e entra na aventura da tentación, vai con Xesús ó deserto da vida, alí na soidade de ti mesmo, no profundo, é onde se atopan as verdadeiras decisións. Pasa, coa súa axuda, polo fío da navalla e arrisca na túa decisión, enfróntate ós que queren retorcerte coas seducións da riqueza, o poder e a vangloria. Ti con Xesús, podes escoller a riqueza da pobreza, a verdade da igualdade, a autoridade do servicio entregado, e serás totalmente libre no camiño da vida, superada esta tentación, superarás as demais tentacións. Entenderás entón que o que se garda a vida e a asegura, pérdea, pero o que escolle seguilo e tomar a súa cruz gañaa para sempre e nada nin ninguén poderalla quitar porque xa ten a liberdade do Espírito. Por iso, non te deixes enganar , o deserto non é o lugar do medo, senon da posibilidade da liberdade e da graza, a Coresma non é o tempo do penar, senon o camiño da ledicia de ser un mesmo para os demais, é o camiño da vida.
(Cáritas. Coresma 2015, pax 57)
Ningún comentario:
Publicar un comentario